Material didáctico para familias · 41.º Concurso Escolar ONCE

Descargar PDF

A soidade non desexada é un problema importante, como mostra o Informe de percepción social da soidade non desexada, realizado polo Observatorio Estatal da Soidade Non Desexada en 2023 e impulsado pola Fundación ONCE.

A soidade non desexada afecta especialmente á xuventude. Algúns datos que non podemos pasar por alto son:

A soidade afecta a unha de cada catro persoas mozas en España. A porcentaxe de mozas e mozos de entre 16 e 29 anos que afirma sentirse nunha situación de soidade alcanza el 25,5 %.
Dous de cada tres mozas e mozos, o 69,0 %, séntense sós ou sentíronse sós nalgún momento da súa vida.
A gran maioría de mozos e mozas (un 77,1 %) afirma coñecer a outras persoas que poidan sentirse soas sen desexalo.

As situacións de soidade non desexada poden previrse desde idades temperás.

Que podemos facer as familias?

Coidar as relacións sociais dos nosos fillos e fillas.

Explicar que é máis positivo ter relacións de amizade presenciais na vida real, e darlles a coñecer o valor que ten a amizade nas súas vidas.
Antepoñer a calidade nas relacións fronte á cantidade.
Explicar que ter só relacións en liña pode afectar o resto das súas relacións sociais.
Promover, desde o fogar, o feito de quedar con outras familias ou amizades para motivalos a que fagan o mesmo cos seus iguais, buscando alternativas ao uso de redes sociais.
Buscar unha comunicación fluída na familia como ferramenta para fortalecer as relacións cos seus iguais e para detectar signos de alerta.
Facilitar espazos temporais encontros e conversacións onde darlles información e consellos para previr situacións de ciberacoso ou ben supervisar experiencias que teñan cos seus iguais en redes e poder detectar posíbeis riscos.

Fomentar a educación emocional

Darlles confianza para que identifiquen os seus sentimentos e estado emocional.
Animalos a que expresen os seus pensamentos, gustos e necesidades.
Acompañalos nas súas vivencias emocionais, tolerar a frustración e aprender a regular as súas emocións..
Coidar a súa autoestima e consolidar a súa personalidade, fomentando a súa automotivación.
Traballar a un tempo a empatía e a escoita activa para mellorar a súa asertividade.

Educar na diversidade

Traballar a empatía e o respecto polos demais.
Non discriminar a outros colectivos valorando a súa participación na sociedade.
Fomentar a solidariedade e a confianza mutua cara aos seus iguais.
Traballar as habilidades sociais para mellorar a súa interacción coa sociedade.
Fomentar o feito de xerar momentos de lecer en familia no que ver series, documentais, películas ou contido onde se poña en valor a diversidade da sociedade.
Buscar espazos para realizar actividades en familia que sirvan para estreitar lazos e xerar confianza fomentando á súa vez as habilidades sociais; xa que terán enriquecéndose con máis variedade de temas de conversación e actividades que compartir cos seus iguais.

Animalos a que participen de forma activa no seu barrio ou localidade.

Participar en asociacións e centros culturais..
Apoiar actividades lúdicas e de lecer saudábel, sobre todo en actividades grupais deportivas ou de lecer, así como artísticas ou musicais.
Animalos a participar no deseño de actividades, reforzando o seu papel na dimensión comunitaria.
Mostrar interese polos seus hobbies, intereses e motivacións co fin de que formen parte das súas actividades diarias ou comunitarias.
Facilitarlles oportunidades para que teñan un amplo abanico de experiencias.