1. TALDEA EGITEN

DINAMIKAREN DESKRIBAPENA:

Bigarren dinamika honetan, ikasleek beste pertsona batzuen larruazalean jarri beharko dute, egoera desberdinak bizi ahal izateko.

Role-play batean oinarritutako talde-jarduera horren bidez, ikasleek enpatia eta entzute aktiboa landuko dituzte.

Taldeka multzokatuta, ausaz ateratako bi txartel izango dituzte: bata egoera baten deskribapenarekin, eta bestea egoera horrek eragiten dion pertsonaiaren deskribapenarekin (desgaitasunarekin edo desgaitasunik gabe), haren protagonista izanik.

Txartel bakoitzak galdera gogoetatsu sorta bat du: pertsonaia eta egoera parekatzean, taldeak pertsonaiaren lekuan jarri beharko du, galderei erantzun eta enpatian eta errespetuan oinarritutako irtenbide bat adostu, nahi ez den bakardadearen kasua saihesteko.

HELBURU DIDAKTIKOAK:

• Egoera sozialei buruz hausnartzea, egoerarekin bat datozen erabaki enpatikoak hartzeko, entzute aktiboan eta gainerakoekiko errespetuan oinarrituta.
• Taldekideekiko enpatia sustatzea.

JARDUERAREN IRAUPENA:

15 minutu.

EGITEKO JARRAIBIDEAK:

1. 3-5 ikasleko taldeak antolatu eta, ausaz, egoera-txartel bat eta pertsonaia-txartel bat banatzen ditu..
2. Txandaka, taldekide bakoitzak txartel bakoitzean planteatzen diren galderei erantzun behar die, lehenik pertsonaiarekin enpatizatuz eta haren lekuan jarriz, eta gero modu pertsonalean erantzunez.
3. Talde bakoitzak, galdera gogoetatsuen txanda egin ondoren, irtenbide bat eman behar dio pertsonaiari, nahi ez duen bakardade-egoera bat saihesteko.
4. Bateratze-lana, ikastetxean antzeko egoerarik gertatuz gero taldeak/gelak izan behar dituen jarrerak adosteko.

Deskargatu pertsonaien txartelak Deskargatu egoera-txartelak

PARTE-HARTZE LANARI EGOKITUTAKO HELBURU DIDAKTIKOA:

• Entzute aktiboa, behaketa eta enpatia sustatzea, eskola-ingurunean nahi ez diren bakardade-egoeren aurrean sentsibilizatzeko abiapuntu gisa.
• Ikastetxeko kideekin enpatizatzea.

DINAMIKA GARATZEKO ALTERNATIBAK:

• Zure ikasleen heldutasun-adinaren arabera, dinamika hori alda dezakezu pertsonaien eta egoeren txarteletan ezaugarri bakarra edo bi nabarmenduz.
• Eskatu zure ikasleei beren txartelak diseina ditzaten, inguruko ezaugarriak eta egoerak txertatuz.